غدًا على موعد وفرصة عظيمة مع كسوف الشمس الكلي

من 100 سنة بالظبط وتحديدًا سنة 1919م اتعملت تجربة لاثبات النظرية النسبية باستخدام كسوف الشمس واللي عملها ادينجتون وفريق من الفلكيين وبالفعل اثبتوا ان ضوء النجوم بينحني نتيجة مجال جاذبية الشمس وده عن طريق اختلاف مكان النجوم وقت الكسوف عن مكانها أثناء الليل

الكسوف الكلي غدًا هيحصل في المحيط الهادي وامريكا الجنوبية، وهيبدأ أول كسوف كلي الساعة 20:01 بتوقيت القاهرة وهينتهي آخر كسوف كلي 22:44 ، وقت الكسوف سيختفي ضوء الشمس تدريجيًا لحد ما الدنيا هتظلم تمامًا ونقدر نشوف النجوم في عز الظهر مثل نجم الشعرى اليمانية ورجل الجوزاء ويد الجوزاء وكواكب كمان زي الزهرة والمريخ عطارد .

الصورة الرئيسية تحت هي لصحراء أتاكاما في تشيلي اللي فيها واحد من أهم المراصد في العالم ALMA Observatory واللي هيرصد الكسوف الكلي واللي مدته هتكون دقيقة و 51 ثانية

وفي الصورة اللي فوق تجربة ادينجتون اللي عملها وأثبت فيه صحة النظرية النسبية وان الضوء بينحني نتيجة مروره بمجال الجاذبية للشمس واللي كنا منقدرش نعمله غير وقت الكسوف الكلي

Osama Fathi - Night Sky Watcher

الكسوف لن يرى من مصر وعشان كده تقدروا تتابعوه لايف من هنا :
https://www.youtube.com/watch?v=5ES8EDMQz50

راصد ...راصد سماء الليل
أ.ف